താരകങ്ങള്‍ കണ്ണ് ചിമ്മും - ഓണപ്പാട്ടുകള്‍ 4

രചന, സംഗീതം - ഇന്ദുശേഖര്‍ എം. എസ്.

താരകങ്ങള്‍ കണ്ണ്  ചിമ്മും
ശ്രാവണ സന്ധ്യയില്‍
കാത്തിരുന്നതാരയോ നീ
തരളിത ചന്ദ്രികേ
നാലകത്ത് നാലും കൂട്ടി
മുറുക്കുന്ന മുറ ചെറുക്കന്‍
വന്നിടുമോ നിനക്ക് കയ്യില്‍
പുടവ തന്നിടുവാന്‍              [താരകങ്ങള്‍

ഓണമായ്  പൊന്നോണമായ്
കളിയാടാന്‍ വായോ
പാകമായ് നടമാടുവാന്‍
കുളിര്‍ കാറ്റേ വരൂ നീ...
പൂവേ പൊലി പാടുവാന്‍
പൂമുഖത്ത് നിരന്നിടാം
അണയുന്നു പൊന്നോണം
നിനക്ക് പുടവയുമായ്        [താരകങ്ങള്‍

ഓമലാളിന്‍ പൂങ്കിനാവില്‍
കളിയോടം തുഴഞ്ഞു
പാതിരാ മഴ നനഞ്ഞ നിന്‍
തനു കണ്ണിന്‍ പൊന്‍കണി
പൂവേ പൊലി പാടുവാന്‍
പൂമുഖത്ത് നിരന്നിടാം
അരികിലെത്തി പൊന്നോണം
നിനക്ക് പുടവയുമായ്        [താരകങ്ങള്‍

മഴ മാറി... മഴ മേഘം മാറി - ഓണപ്പാട്ടുകള്‍ 3

രചന, സംഗീതം - ഇന്ദുശേഖര്‍ എം. എസ്.

ഈ ഗാനം മധ്യമാവതി രാഗത്തില്‍ ഞാന്‍ കമ്പോസ് ചെയ്ത ഒരു ഈണം അനുസരിച്ച് എഴുതിയിട്ടുള്ളതാണ് 

മഴ മാറി... മഴ മേഘം മാറി 

തുമ്പ പൂക്കള്‍ തൊടിയില്‍ വിടര്‍ന്നു നിന്നു 

കുളിര്‍ മാരുതനിതുവഴി കടന്നു വന്നു 

സന്ധ്യ കുളിച്ചൊരുങ്ങി 

തിരുവോണം മനസ്സില്‍ തുയിലുണര്‍ന്നു 

പൂത്തുമ്പി പറക്കുമ്പോള്‍ 

പൂമണം പൊഴിയുന്നു 

കാറ്റിലുമലിയുന്നുണ്ടാ ഗന്ധം 

നിന്‍ കരം ഗ്രഹിക്കുമ്പോള്‍ 

എന്‍ ഉള്ളം തളിര്‍ക്കുന്നു 

വന്നിടും മനങ്ങളില്‍ പൊന്നോണം 

ശ്രാവണം പിറക്കുമ്പോള്‍ 

ശശികല നിറയുമ്പോള്‍ 

ശ്രുതിസുഖമൊരു വരി പാടൂ നീ 

വരുകില്ലതില്ലാതിനി 

അരികില്‍ നീ നിന്നെന്നാലും 

എനിക്കറിവുള്ളൊരു പൊന്നോണം 

ഓണത്തപ്പനെ വരവേല്‍ക്കാനായ്‌ - ഓണപ്പാട്ടുകള്‍ 2

രചന, സംഗീതം : ഇന്ദുശേഖര്‍ എം. എസ് .

ഓണത്തപ്പനെ വരവേല്‍ക്കാനായ്‌  പൂക്കളമെഴുതുമ്പോള്‍
നിന്നുടെ മൌനവിരാജിത മിഴികളിലെന്‍ വിരല്‍
വണ്ടായ് മാറുന്നു ...
പൂവേ പൊലി...പൊലി പൊലി പൂവേ
പൂവേ പൊലി...പൊലി ....പൂവേ 

പൂവേ പൊലി...പൊലി പൊലി പൂവേ
പൂവേ പൊലി...പൂ....വേ

ഓലക്കുടയും ചൂടിക്കൊണ്ടാ രാജാവിന്നെഴുന്നള്ളുമ്പോള്‍
ഓലക്കുരുവീ പാടില്ലേ നീ കൂടെ..
തുമ്പപ്പൂവിന്‍ ചോറുണ്ടേ
മുക്കൂറ്റിതൊടുകറിയുണ്ടേ
ഇല വെട്ടാനായ് പോരുന്നോ കൂടെ

നന്ത്യാര്‍വട്ട പൂവിന്‍ ചാരെ വാടാമല്ലീ നീയും വന്നാല്‍
ആഹാ വര്‍ണ്ണ കൂട്ടായില്ലേ ചൊല്ലൂ ...
കൊന്നപ്പൂവിന്‍ കുറവുണ്ടേ
ഒന്നിച്ചുണ്ടാല്‍ നിറവുണ്ടേ
മാബലിയെന്നാല്‍ കേരളമൊന്നാണേ