Thursday, September 20, 2012

മഴ മാറി... മഴ മേഘം മാറി - ഓണപ്പാട്ടുകള്‍ 3



രചന, സംഗീതം - ഇന്ദുശേഖര്‍ എം. എസ്.

ഈ ഗാനം മധ്യമാവതി രാഗത്തില്‍ ഞാന്‍ കമ്പോസ് ചെയ്ത ഒരു ഈണം അനുസരിച്ച് എഴുതിയിട്ടുള്ളതാണ് 




മഴ മാറി... മഴ മേഘം മാറി 
തുമ്പ പൂക്കള്‍ തൊടിയില്‍ വിടര്‍ന്നു നിന്നു 
കുളിര്‍ മാരുതനിതുവഴി കടന്നു വന്നു 
സന്ധ്യ കുളിച്ചൊരുങ്ങി 
തിരുവോണം മനസ്സില്‍ തുയിലുണര്‍ന്നു 

പൂത്തുമ്പി പറക്കുമ്പോള്‍ 
പൂമണം പൊഴിയുന്നു 
കാറ്റിലുമലിയുന്നുണ്ടാ ഗന്ധം 
നിന്‍ കരം ഗ്രഹിക്കുമ്പോള്‍ 
എന്‍ ഉള്ളം തളിര്‍ക്കുന്നു 
വന്നിടും മനങ്ങളില്‍ പൊന്നോണം 

ശ്രാവണം പിറക്കുമ്പോള്‍ 
ശശികല നിറയുമ്പോള്‍ 
ശ്രുതിസുഖമൊരു വരി പാടൂ നീ 
വരുകില്ലതില്ലാതിനി 
അരികില്‍ നീ നിന്നെന്നാലും 
എനിക്കറിവുള്ളൊരു പൊന്നോണം 




Wednesday, September 19, 2012

ഓണത്തപ്പനെ വരവേല്‍ക്കാനായ്‌ - ഓണപ്പാട്ടുകള്‍ 2


രചന, സംഗീതം : ഇന്ദുശേഖര്‍ എം. എസ് .

ഓണത്തപ്പനെ വരവേല്‍ക്കാനായ്‌  പൂക്കളമെഴുതുമ്പോള്‍
നിന്നുടെ മൌനവിരാജിത മിഴികളിലെന്‍ വിരല്‍
വണ്ടായ് മാറുന്നു ...
പൂവേ പൊലി...പൊലി പൊലി പൂവേ
പൂവേ പൊലി...പൊലി ....പൂവേ 

പൂവേ പൊലി...പൊലി പൊലി പൂവേ
പൂവേ പൊലി...പൂ....വേ

ഓലക്കുടയും ചൂടിക്കൊണ്ടാ രാജാവിന്നെഴുന്നള്ളുമ്പോള്‍
ഓലക്കുരുവീ പാടില്ലേ നീ കൂടെ..
തുമ്പപ്പൂവിന്‍ ചോറുണ്ടേ
മുക്കൂറ്റിതൊടുകറിയുണ്ടേ
ഇല വെട്ടാനായ് പോരുന്നോ കൂടെ

നന്ത്യാര്‍വട്ട പൂവിന്‍ ചാരെ വാടാമല്ലീ നീയും വന്നാല്‍
ആഹാ വര്‍ണ്ണ കൂട്ടായില്ലേ ചൊല്ലൂ ...
കൊന്നപ്പൂവിന്‍ കുറവുണ്ടേ
ഒന്നിച്ചുണ്ടാല്‍ നിറവുണ്ടേ
മാബലിയെന്നാല്‍ കേരളമൊന്നാണേ

Wednesday, September 12, 2012

പൂവേ നീ ഉണര്‍ന്നില്ലേ - ഓണപ്പാട്ടുകള്‍ 1

രചന, സംഗീതം : ഇന്ദുശേഖര്‍ എം. എസ് .


പൂവേ നീ ഉണര്‍ന്നില്ലേ
പൂത്തുമ്പി പറഞ്ഞില്ലേ
ഓണം വന്നു നിന്റെ വനിയില്‍
കാണാ വഴികളില്‍ 
കാറ്റില്‍ തളിരുകള്‍ 
ആരെ തേടി മയങ്ങി 

മാബലിയെ വരവേല്‍ക്കുവാന്‍
മലയാളമനസ്സുണരവേ
നിന്‍ മാറില്‍ മധുവോ മിഴി നീരോ ?
ചൊല്ലുമോ ചൊല്ലുമോ തുമ്പിയോടിന്നു നീ ...

പൂക്കളങ്ങള്‍ക്ക് തേടവേ
പൂനിലാവിന്നു കൈതവം
നിന്‍ ചിരിയില്‍ വിടര്‍ന്നത് നേരോ ?
ചൊല്ലുമോ ചൊല്ലുമോ തുമ്പിയോടിന്നു നീ ...


Home Studio Singing - Omalale Kandu Njaan - Cover by Indusekhar M.S. Film - Sindooracheppu (1973) Lyrics - Yousafali Kecheri Music -...