കണ്മഷി എഴുതും

കണ്മഷി എഴുതും നിൻ മുഖ-
കാന്തിയിൽ വിരിയും പുഞ്ചിരി
കണ്ടു ഞാൻ കാതരേ നിൻ
കാണാ ഭാവങ്ങൾ

   കണ്മഷി എഴുതിയൊരെൻ മുഖ-
   കാന്തിയിൽ വിരിഞ്ഞ പുഞ്ചിരി
   കണ്ടു നീ കാതിലെന്തേ
   കിന്നാരം ചൊല്ലി                                    [ കണ്മഷി എഴുതും...

നഖം കടിച്ചതിനാണത്താൽ നീ നിന്ന നേരം
മുഖം കുനിച്ചിട്ടടവാലാരേ  നോക്കി നിന്നൂ നീ
കണ്ടു മുട്ടിയ നേരം
കണി കണ്ടു നിറഞ്ഞ പോലെ
കണ്ടു ഞാൻ കാതരേ നിൻ
കാണാ ഭാവങ്ങൾ

   മകം പിറന്നൊരു മങ്കയായ് നീ മനം നിറചെന്നാൽ
   നിലാവിലോട കുഴൽ വിളിക്കാൻ കിനാവിലൊരു മാരൻ
   തേടിയോടിയ രാഗം
   ശ്രുതിശ്രവ്യമായതു പോലെ
   കണ്ടു ഞാൻ കാതരേ നിൻ
   കാണാ ഭാവങ്ങൾ                                     [ കണ്മഷി എഴുതും...

മനസ്സില്‍ സിക്കിം

മനസ്സില്‍ സിക്കിം
മധു പകരുന്നു
കാഞ്ജന്‍ജംഗതന്‍
കരവലയത്തില്‍
വിരിയും മലരുകള്‍
ലാമ തന്‍ ചിരിയില്‍
ഗുരു റിമ്പോച്ചേ തന്‍
സ്മൃതിയില്‍ ഗാംഗ് ടോക്
തീസ്ടയിലോഴുകും
പുളകമീ വഴികള്‍

മനസ്സില്‍ സിക്കിം
മധു പകരുന്നു

ചോലക്കുയിലിന്‍ കൂടെ പാടാന്‍

രചന, സംഗീതം : ഇന്ദു ശേഖര്‍ എം.എസ്. 

ചോലക്കുയിലിന്‍ കൂടെ പാടാന്‍
പോരുന്നോ കുരുവീ നീ
കുളിര്‍ ചൊരിയാമോ കുരുവീ നീ
കാടും  കൂടും  തേടാതെ ഈ
ഈറത്തണ്ടിലിരുന്നൊന്നാ
മൂളിപ്പാട്ടാലീണം പകരമോ

[ ചോലക്കുയിലിന്‍ കൂടെ പാടാന്‍

കാട്ടുപൂവിന്‍ കാതിലെന്തേ
കാതരേ നീ ചൊല്ലീ
പാട്ടു പാടും കുയിലിതെന്തേ
മാറ്റിയിന്നാ രാഗം
കണ്ണിനെന്നും കണ്‍ മണിയായ്‌
മുന്നിലെന്നും വന്നണയാന്‍
കണ്ടു വച്ച നാള്‍ മുതല്‍ക്കേ
കൊണ്ടു തിരുവോണം

[ ചോലക്കുയിലിന്‍ കൂടെ പാടാന്‍

നാട്ടുമാവിന്‍ ചില്ലയില്‍ നീ
വന്നിരുന്നൊരു നേരം
കാറ്റു പോലും മാറിനിന്നാ
ദേവരാഗം കേട്ടു
കാവു പൂത്ത നറുമണമായ്
ചാരെ വന്നു നിറയുമ്പോള്‍
കാമുകന്റെ കണ്ണിലുണ്ടാ
കാമ ഭാവങ്ങള്‍

[ ചോലക്കുയിലിന്‍ കൂടെ പാടാന്‍

നവവര്‍ഷത്തെ വരവേല്‍ക്കാനായ്‌

രചന, സംഗീതം : ഇന്ദു ശേഖര്‍ എം.എസ്.

നവവര്‍ഷത്തെ വരവേല്‍ക്കാനായ്‌

നാമിന്നെത്തുമ്പോള്‍ സലില്‍ 

ചൗധരി ഫൗണ്ടേഷന്‍ കേരള 

കാതില്‍ തേന്‍ മഴയായ് 

കണ്ണും മെയ്യും മറന്നൊന്നായാടിപ്പാടുമ്പോള്‍ 

ഈ പുതുവര്‍ഷത്തിന്‍  പുതുമകള്‍ നമ്മില്‍ 

പൂത്തിരി കത്തിക്കും 

നുരയും തളികകളില്ലാതിങ്ങനെ 

തിരയും ഹര്‍ഷോന്മാദത്തോടെ 

താളം കൊട്ടി പാടിക്കേറും നാമിന്നീ രാത്രി 

[ നവവര്‍ഷത്തെ....

കൊല്ലത്തിന്നഭിമാനമായി 

സംഗീതത്തിന്‍ ലഹരിയുമായ്‌ 

ഇല്ലം വേണ്ടെന്നു വച്ചും കൊണ്ടിങ്ങു 

വന്നെത്തി സോപാനത്തിന്‍ മുന്നില്‍  

[ നവവര്‍ഷത്തെ....

പാടിപ്പതിഞ്ഞ പാട്ടില്‍ തുടങ്ങി 

ആടിതകര്‍ത്തു മുന്നേറുമ്പോള്‍ 

കണ്ണില്‍ പതിഞ്ഞ പൊന്നിന്‍ കിനാക്ക-

ളെല്ലാം പുതുവത്സരാശംസയായ് 

[നവവര്‍ഷത്തെ....

ഹാപ്പി ന്യൂ ഇയര്‍ ഹാപ്പി ന്യൂ ഇയര്‍ ഹാപ്പി ന്യൂ ഇയര്‍

ഹാപ്പി ഹാപ്പി ന്യൂ ഇയര്‍ ഹാപ്പി ന്യൂ ഇയര്‍ ടൂ തൌസണ്ട് തിര്‍ടീന്‍ 

ഹാപ്പി ന്യൂ ഇയര്‍ ഹാപ്പി ന്യൂ ഇയര്‍ ഹാപ്പി ന്യൂ ഇയര്‍

ഹാപ്പി ഹാപ്പി ന്യൂ ഇയര്‍ ഹാപ്പി ന്യൂ ഇയര്‍ ടൂ തൌസണ്ട് തിര്‍ടീന്‍
ഹാപ്പി ന്യൂ ഇയര്‍ 

കന്നേറ്റിയില്‍ വള്ളം കളി - ഓണപ്പാട്ടുകള്‍ 6

രചന, സംഗീതം - ഇന്ദുശേഖര്‍ എം. എസ് 

കന്നേറ്റിയില്‍ വള്ളം കളി കാണാനെത്തുമ്പോള്‍ കണ്ണില്‍
കാണാതെങ്ങോ മറഞ്ഞു നീ കണ്ണില്‍ നോക്കുമ്പോള്‍
കണ്ണും കണ്ണും കടങ്കഥ പറഞ്ഞിരിക്കെ..ആ
കന്നിച്ചുണ്ടന്‍ മറുകരെ വിജയിചെത്തി
ഓളം തല്ലി പൂരക്കോളോടോരം പറ്റി തുഴയുമ്പോള്‍
ഓണക്കാറിന്‍ കീലും കൊണ്ടാ മഴയുമെത്തി                  [കന്നേറ്റിയില്‍ ...


മണ്ണും പൊന്നാക്കി മിന്നും മാളോരെ
വന്നാ പങ്കായമെറിഞ്ഞു താ ....
വന്നാ പങ്കായമെറിഞ്ഞു താ ....
വിണ്ണില്‍ പെയ്യുന്ന  ചിന്നും മേഘങ്ങ-
ളെല്ലാം പെണ്ണിന്റെ താളത്തിലായ്
എല്ലാം പെണ്ണിന്റെ താളത്തിലായ് 
എന്നുമൊന്നായി നിന്നാല്‍ വന്നെത്തും
അന്നത്തെ പോലെ പൊന്നോണം                                [കന്നേറ്റിയില്‍ ...

പാളും താളങ്ങള്‍ ഓളം തേടുമ്പോള്‍
കാളും ഉള്ളങ്ങള്‍ അറിഞ്ഞു വാ ...
കാളും ഉള്ളങ്ങള്‍ അറിഞ്ഞു വാ ...
തുള്ളും താളത്തില്‍ ഒന്നായ് തുഴഞ്ഞു
പൊള്ളും മനങ്ങള്‍ അറിഞ്ഞു വാ
പൊള്ളും മനങ്ങള്‍ അറിഞ്ഞു വാ
പാലം കടന്നു പോകും കിടാങ്ങള്‍
തേടും വേഗങ്ങളടര്‍ത്തി വാ                                         [കന്നേറ്റിയില്‍ ...

മഴയില്‍ കുതിര്‍ന്നതോ - ഓണപ്പാട്ടുകള്‍ 5

രചന, സംഗീതം - ഇന്ദുശേഖര്‍ എം. എസ് 

മഴയില്‍ കുതിര്‍ന്നതോ
നിന്‍ തനുവില്‍ പൊടിഞ്ഞതോ
ഈ നനവില്‍ ഞാന്‍ അമരുമ്പോള്‍
എന്‍ മനമുണര്‍ന്നു  സഖീ
കുളിര്‍ തഴുകി നിന്നൂ സുഖം          [ മഴയില്‍

ചേക്കേറാന്‍ പറവകള്‍ തിരികെ പോയ്‌
അന്തിപൊന്‍ ഗോളം കടലില്‍ തിരികെ പോയ്‌
അറിഞ്ഞറിഞ്ഞു നിറഞ്ഞു നിന്നില്‍
മതി മതി ഇന്നിതു മതി
കുളിര്‍ തഴുകി നിന്നൂ സുഖം          [ മഴയില്‍

വാക്കേറേ പറഞ്ഞു തളര്‍ന്നു നീ
അന്തിക്കെന്തേ നീ എന്നില്‍ പരതുന്നു
നിറഞ്ഞു നിറഞ്ഞു പകര്‍ന്നു നിന്നില്‍
മതി മതി ഇന്നിതു മതി
കുളിര്‍ തഴുകി നിന്നൂ സുഖം          [ മഴയില്‍

താരകങ്ങള്‍ കണ്ണ് ചിമ്മും - ഓണപ്പാട്ടുകള്‍ 4

രചന, സംഗീതം - ഇന്ദുശേഖര്‍ എം. എസ്.

താരകങ്ങള്‍ കണ്ണ്  ചിമ്മും
ശ്രാവണ സന്ധ്യയില്‍
കാത്തിരുന്നതാരയോ നീ
തരളിത ചന്ദ്രികേ
നാലകത്ത് നാലും കൂട്ടി
മുറുക്കുന്ന മുറ ചെറുക്കന്‍
വന്നിടുമോ നിനക്ക് കയ്യില്‍
പുടവ തന്നിടുവാന്‍              [താരകങ്ങള്‍

ഓണമായ്  പൊന്നോണമായ്
കളിയാടാന്‍ വായോ
പാകമായ് നടമാടുവാന്‍
കുളിര്‍ കാറ്റേ വരൂ നീ...
പൂവേ പൊലി പാടുവാന്‍
പൂമുഖത്ത് നിരന്നിടാം
അണയുന്നു പൊന്നോണം
നിനക്ക് പുടവയുമായ്        [താരകങ്ങള്‍

ഓമലാളിന്‍ പൂങ്കിനാവില്‍
കളിയോടം തുഴഞ്ഞു
പാതിരാ മഴ നനഞ്ഞ നിന്‍
തനു കണ്ണിന്‍ പൊന്‍കണി
പൂവേ പൊലി പാടുവാന്‍
പൂമുഖത്ത് നിരന്നിടാം
അരികിലെത്തി പൊന്നോണം
നിനക്ക് പുടവയുമായ്        [താരകങ്ങള്‍